არაფერი პოლიტიკური

სპექტაკლის ავტორები: ნიკუშა ბაქრაძე, სოფიო ზერაგია, მაგდა ლებანიძე, თამრი ოხიკიანი, სანდრო სამხარაძე, დავით ხორბალაძე

სპექტალი შექმნილია ჯგუფის მიერ, ურეჟისოროდ

სცენოგრაფია - თამრი ოხიკიანი

კოსტიუმების მხატვარი - თამრი ოხიკიანი

კომპოზიტორი / მუსიკალური გაფორმება დავით ხორბალაძე

ჟანრი: დოკუმენტური სპექტაკლი

მონაწილეობენ: ნიკუშა ბაქრაძე, სოფიო ზერაგია, მაგდა ლებანიძე, სანდრო სამხარაძე, დავით ხორბალაძე

პრემიერის თარიღი 21/12/2025

ხანგრძლოვობა / შესვენება 80 წთ. შესვენების გარეშე

სპექტაკლის შესახებ: 

**არაფერი პოლიტიკური** არის ექვსი თანაავტორის მიერ კოლექტიურად შექმნილი სპექტაკლი, რომელიც ეძღვნება საქართველოში 2024 წლის გაყალბებული არჩევნების შემდეგ განვითარებულ პოლიტიკურ კრიზისსა და საპროტესტო მოძრაობას, რომელიც ხელისუფლების სულ უფრო ანტიდემოკრატიულ და რეპრესიულ კურსს მოჰყვა. ავტორები, რომლებიც თავადაც წინააღმდეგობის მოძრაობის მონაწილეები არიან, საკუთარ პირად გამოცდილებებს უზიარებენ მაყურებელს და მათ იმ პოლიტიკურ მოვლენებთან აკავშირებენ, რომლებმაც თანამედროვე საქართველო რადიკალურად შეცვალა. სპექტაკლი დოკუმენტურ მასალებს ეფუძნება, თუმცა უარს ამბობს ისტორიული ნარატივის შექმნაზე. ამის ნაცვლად, ის დეჰუმანიზებელ პროპაგანდას უპირისპირდება პოლიტიკური მოვლენებისადმი ღრმად პირადი დამოკიდებულების გამოხატვით — ჰყვება, გარდაქმნის და ინახავს იმ ისტორიებს, რომლებიც დავიწყებისა და წაშლის საფრთხის წინაშე დგას: ტკივილისა და სიხარულის ისტორიებს, რომლებიც მეხსიერებაში უფრო ფართო კრიზისის მექანიზმის ფრაგმენტებადაა დალექილი. სპექტაკლი წარმოადგენს ტექსტის, დოკუმენტური მონათხრობის, ცოცხალი მუსიკისა და დრაგ პერფორმანსის ერთიან მულტიმედიურ კომპოზიციას. დრაგი აქ წინააღმდეგობის განსხეულებული ფორმაა, ხოლო პერფორმანსის სტრუქტურა და ვიზუალური ენა ქუჩის დემონსტრაციების ლოგიკას მიჰყვება — ფრაგმენტულს, ემოციურს და მრავალხმიანს, სადაც თავად სცენებიც კი პროტესტის ენით არის აგებული.

პრესა

„არც ერთი ხმა არ იკავებს ინტერპრეტაციის დომინანტურ პოზიციას; არც ერთი ჟესტი არ ახშობს დანარჩენებს. იქმნება მკვრივი პოლიფონია.“ "არაფერი პოოლიტიკური" თავს ღრმად და დაჟინებით პოლიტიკურ ნამუშევრად ავლენს თავისი სტრუქტურის მეშვეობით: ავტორობის განაწილებით, მეხსიერებასთან დამოკიდებულებით და საბოლოო გადაწყვეტის უარყოფით.“ —Georgia Today — ივან ნეჩაევ "სპექტაკლი არ წარმოადგენს მოვლენებს გარედან დამკვირვებლის პოზიციიდან; ის საუბრობს იმ გამოცდილების შიგნიდან, რომელსაც თავად ასახავს." — OC Media — მარიამ შონია