რომანტიკოსები

მარიტა ლიპარტელიანი, პაატა ციკოლია

რეჟისორი: პაატა ციკოლია

სცენოგრაფია: ირა შენგელია

კოსტიუმების მხატვარი: ქეთი გუნია

კამერა: საბა შენგელია, ეკა დარსაველიძე

კომპოზიტორი/მუსიკალური გაფორმება: გვანცა ენუქიძე

რეჟისორის თანაშემწე: ნათია შალიკაშვილი

თეატრის დირექტორი და სამხატვრო ხელმძღვანელი: ნიკოლოზ თავაძე

ხანგრძლივობა: 2 საათი / შესვენების გარეშე
ჟანრი: დრამა

მონაწილეობენ: დავით ბეშიტაიშვილი, ნატა მურვანიძე, ლაშა მებუკე, ქეთი ჯავახიშვილი

პრემიერა: 16/09/2026

სპექტაკლის შესახებ

„რომანტიკოსები“ ანტირომანტიკული კამერული ტრაგედიაა - პოეტური და მძაფრი ამბავი, რომელიც მაყურებელს სკოლის მოსწავლეების სასტიკ და წინააღმდეგობებით სავსე სამყაროში ეპატიჟება. აქ ერთი მოზარდი გოგონას ტრაგედია თანდათან მთელი კულტურის მხილებად გადაიქცევა. სკოლის მოსწავლეთა რეალობა, მათი ჟარგონი და ქართული რომანტიკული პოეზია ერთმანეთს ეჯახება სამყაროში, რომელიც დუმილზე, კლასობრივ პრივილეგიებზე, ქალთმოძულეობასა და ინსტიტუციურ თვითდაცვაზე დგას. პიესა მხოლოდ ერთ დანაშაულზე არ მოგვითხრობს: ის იკვლევს, როგორ გადასცემენ სკოლები და ოჯახები ძალადობას მომავალ თაობებს, როგორ აქცევენ დუმილსა და მორჩილებას ტრადიციად და როგორ მალავენ სისასტიკეს დახვეწილი ენის უკან. „რომანტიკოსები“ მძაფრი, ვიზუალურად და ემოციურად დამუხტული სპექტაკლია - მტკივნეულად თანამედროვე ამბავი ახალგაზრდებსა და მათ მშობლებზე.

პრესა

2024 წლის ჰაიდელბერგის Stückemarkt-ზე მარიტა ლიპარტელიანის სადებიუტო პიესა შეფასდა, როგორც „ამაღელვებელი და მომნუსხველი ინტელექტუალური ექსპერიმენტი“ და „სულისშემხუთავი, კლაუსტროფობიული, ვირტუოზული კამერული დრამა“.