გონზაგოს მკვლელობა

ქუთაისის დრამატული თეატრის ისტორია მე-19 საუკუნის 60-იანი წლებიდან იწყება.

1861 წელს 3 მარტს, ქალაქის საზოგადო საკრებულოს შენობაში, დაიდგა გიორგი ერისთავის ისტორიული კომედია ,,გაყრა“.

1862-1880 წლებში აკაკი წერეთელმა და სცენისმოყვარეებმა ქუთაისში ნიადაგი მოამზადეს პროფესიული დასის დაარსებისთვის.

1880 წელს ქუთაისში პროფესიული თეატრის დაარსება კოტე მესხის სახელს უკავშირდება.

გამორჩეული ადგილი უჭირავთ ლადო მესხიშვილს, რომლის სახელი 1940 წელს ქუთაისის თეატრს ოფიციალურად მიენიჭა და კოტე მარჯანიშვილს, რომელმაც 1928 წელს შექმნა ქუთაის - ბათუმის მეორე სახელმწიფო თეატრი.

1955 წელს გაიხსნა ქუთაისის დრამატული თეატრის ახალი შენობა, რომელსაც 2009 წელს მიენიჭა ,,ძეგლის სტატუსი“. 

სხვადასხვა დროს მესხიშვილის თეატრში მოღვაწეობდნენ და საეტპო მნიშვნელობის სპექტაკლებს დგამდნენ ცნობილი ქართველი რეჟისორები; მის სცენაზე თამაშობდნენ დიდი ქართველი მსახიობები; თავის ნამუშევრებს ქმნიდნენ გენიალური ქართველი მხატვრები; თეატრის მუზეუმში დაცულია ქართველ კლასიკოს კომპოზიტორთა ხელნაწერი პარტიტურების უნიკალური ფონდი.             

2007 წლიდან თეატრის წინ ვარსკვლავები გაუხსნეს ექვს მსახიობს.         

2008 წელს გაიხსნა მცირე სცენა.

2020 წლის 10 ოქტომბერს, თეატრის ეზოში საზეიმოდ გაიხსნა ახალი თეატრალური სივრცე - ,,მწვანე თეატრი“. 

 მესხიშვილის თეატრი სისტემატურად მონაწილეობს საერთაშორისო თეატრალურ ფესტივალებში; გაფორმებული აქვს შემოქმედებითი თანამშრომლობის მემორანდუმები ევროპის სხვადასხვა თეატრებთან, აწარმოებს კოპროდუქციულ დადგმებს.

მესხიშვილის თეატრი აქტიურად მონაწილეობს კულტურის სამინისტროს მიერ გამოცხადებულ კონკურსებში. 2023 წელს მან მოიპოვა გამარჯვება პროექტით ,,ქართული დრამატურგია - ქართული თეატრის ფუნდამენტი“.  გამარჯვებულად გამოვლენილი პიესა 2024 წელს დაიდგა მესხიშვილის თეატრში.  

თეატრის დირექტორი  -   გიორგი თავაძე

საკონტაქტო ინფორმაცია:

ელ-ფოსტა : giorgigoga@gmail.com