ვის ეშინია ვირჯინია ვულფის?

„ჩვენ მოვედით, რომ ყველაფერი შეგვეცვალა თეატრში“ — ეს მიხეილ თუმანიშვილისეული ხედვა დღემდე განსაზღვრავს თეატრის შემოქმედებით სულისკვეთებას. კინოსტუდია „ქართული ფილმის“ ბაზაზე 1975 წელს დაარსებული თეატრალური სახელოსნოს საფუძველზე, 1978 წელს შეიქმნა კინომსახიობთა თეატრი — უნიკალური სტუდიური სივრცე, რომლის ბირთვს მიხეილ თუმანიშვილის ექსპერიმენტული ჯგუფის მსახიობები და რეჟისორები წარმოადგენდნენ. მიხეილ თუმანიშვილის — ქართული თეატრის ერთ-ერთი უმნიშვნელოვანესი რეფორმატორისა და პედაგოგის — შემოქმედებითი მემკვიდრეობა დღემდე განსაზღვრავს თეატრის იდენტობას. 1996 წლიდან თეატრი მის სახელს ატარებს და აგრძელებს „თუმანიშვილის სკოლის“ ტრადიციას, აერთიანებს გამოცდილებასა და თანამედროვე თეატრალურ ძიებებს. დღეს თუმანიშვილის თეატრი არის სარეპერტუარო სახელმწიფო თეატრი მუდმივი დასით, რომელიც აქტიურად თანამშრომლობს ქართველ და უცხოელ რეჟისორებთან, მონაწილეობს საერთაშორისო ფესტივალებსა და კულტურულ გაცვლით პროექტებში. თეატრის სცენა - ღია, ფარდისა და კულისების გარეშე - თავად მიხეილ თუმანიშვილის კონცეფციით შეიქმნა და დღემდე ინარჩუნებს თეატრის მთავარ ფასეულობას - მსახიობისა და მაყურებელს შორის უშუალო კავშირს.

სამხატვრო ხელმძღვანელი - იოანე (ვანო) ხუციშვილი

თეატრის დირექტორი - (ვანო) ხუციშვილი

საკონტაქტო პირი და პოზიცია - მაია ოდიშარია / პროექტების კურატორი

საკონტაქტო ინფორმაცია +995 591615223 / maia.odisharia@tumanishvilitheatre.ge / www.tumanishvilitheatre.ge